ابحث في Google
تسجيل
عضوية
لتسجيل عضوية جديدة بالموقع
دخول

لقد نسيت كلمة السر

تابعنا على الفيسبوك


المواضيع الأخيرة
» تطبيق الأسبوع: لعشاق الطبخ والوصفات والأطباق الشهية من جميع المطابخ العربية تطبيق مطبخ حواء المميز
الإثنين 05 ديسمبر 2016, 11:55 am من طرف H@MDY10

» مفاجأة: عودة تطبيق ملعب الزعيم المتميز إلى متجر جوجل بلاي بحلته الجديدة وبتحديثات شاملة لمحبي نادي الهلال السعودي
الإثنين 05 ديسمبر 2016, 10:58 am من طرف H@MDY10

» تطبيق أخبار التطبيقات المميز والرئع لمتابعة وتحميل البرامج والتطبيقات، وآخر العروض في جميع متاجر التطبيقات
الإثنين 05 ديسمبر 2016, 10:51 am من طرف H@MDY10

» لعشاق نادي الزمالك المصري تطبيق أخبار الزمالك متاح على Google Play لجميع أجهزة الأندرويد
الإثنين 05 ديسمبر 2016, 10:41 am من طرف H@MDY10

» لعشاق النادي الأهلي المصري تطبيق نادي القرن متاح على Google Play لجميع أجهزة الأندرويد
الإثنين 05 ديسمبر 2016, 10:36 am من طرف H@MDY10

» ألبوم صالح بو خشيم كامل كل اغانية 40 ميجا رابط مباشر
الجمعة 02 ديسمبر 2016, 4:17 pm من طرف السيد العلى

» برنامج بروكسي فك الحجب للهواتف الذكيه
الإثنين 21 نوفمبر 2016, 4:30 pm من طرف فك الحجب

» التهاب المفاصل
الخميس 27 أكتوبر 2016, 12:35 pm من طرف اسد

» أسباب جديدة للإصابة بالاكتئاب لدى النساء
الخميس 27 أكتوبر 2016, 11:15 am من طرف اسد

» خشونه الركبة
الخميس 27 أكتوبر 2016, 11:09 am من طرف اسد





۩ مش عارف تجيب اى نوع لاب توب واى مواصفات . ابسط المعلومات اللى تخليك عارف كل حاجة ۩

استعرض الموضوع السابق استعرض الموضوع التالي اذهب الى الأسفل

۩ مش عارف تجيب اى نوع لاب توب واى مواصفات . ابسط المعلومات اللى تخليك عارف كل حاجة ۩

مُساهمة من طرف H@MDY10 في الأحد 26 ديسمبر 2010, 7:50 pm

















اهلا بكل زورار ورواد قسم الكمبيوتر بمنتديات أبناء العلامية ...

انك
تشترى لاب توب ده مش حاجة سهلة وبسيطة ... لا ده حاجة محتاجة تركيز
واختيار الافضل وسط عشرات الموديلات غير كده كمان ده فلوس حرام نرميها فى
الارض بالتسرع والحماسة ...



انا
فى الموضوع ده ان شاء الله هحاول بقدر الامكان انى اجاوب على معظم
التساؤلات اللى انتم بتسألوها .. انا ممكن معلوماتى تكون بسيطة لكن ان شاء
الله لو حد عايز يشترى لاب توب هيبقى عنده دراية كامله بعد اما يقرا
الموضوع ده ان شاء الله ..







1- انواع كتيييير جدا من اللابتوبات ومحتار تجيب ايه .. انه نوع افضل ؟
2- ايه افضل ديل ولا توشيبا ولا اتش بى ؟


السؤالين
دول بيتسالوا كتير جدا وللاسف لو حد راح سال واحد صاحبه عنده ديل وهيروح
صاحبه مجاوب عليه ويقولوا ده الديل ده جامد جدا ده انا شغال عليه ومش
بيريحوا وشغال معايا تمام انصحك تجيب الديل !! ... هو كده كل واحد بينصح
التانى بنوع اللاب اللى معاه من غير ما يكون عارف اى حاجة عن الانواع
التانية ..


الاجابة
على السؤال ده بتتلخص كالاتى : كل الانواع ده ممتازة ومفيش نوع احسن من
نوع كلهم زى بعض وكلهم بيتعملوا طبقا لمعايير جودة معينة لكن السؤال ده
يتسال بالطريقة ده ..

ايه
افضل لاب ديل موديل كذا ولا لاب اتش بى موديل كذا ؟ ساعتها نقارن بين
مواصفاتهم من حيث الرامات والبروسيسور وكارت الشاشة وكل حاجة ونقول انه
فيهم الافضل ...


وهى ده الاجابة على السؤال مفيش مقارنة بين الماركات انما المقارنة بتكون بين الامكانيات ...

لكن
طبعا زى ما احنا عارفين ان برده المرسيدس والبى ام بيختلفوا عن المتسوبيشى
والتيوتا ... وده برده موجود فى اللابات حيث ان السونى والابل دول فئة
اولى فى اللابات علشان كده غاليين جدا جدا ... ممكن تجيب لاب ديل
امكانياته عالية وتبص على السونى اللى بنفس سعره تلاقى امكانيات اقل من
اللى انت جبته بفرق كبير ...


لكن
الديل والتوشيبا والاتش بى والايسر والكومباك واللينوفو والاسوس والام اس
اى والفوجستين ... كلهم شركات جامدة جدا جدا وهتسالنى انا مسمعتش عن
اللابات اللى انت كاتب اسمائها ده زى اللينوفو والاسوس والباقيين ... هرد
عليك واقولك لان الثقافة عندنا فى صر واغلب الشركات المستوردة بتتعامل
اكتر مع الديل والتوشيبا والاتش بى لكن الباقيين دول برده شركات عالمية
جدا لكن مش مشهورة هنا فى مصر ...






3- ايه هى اول خطوة تعملها لما تيجى تشترى لاب توب ؟

اولا
انت تحدد اقل واقصى سعر فى الميزانية بتاعتك يعنى مثلا تحدد انك عايز لاب
فى حدود 4500 الى 5000 ... وبعدين تشوف ايه استخدامك اللى انت عاوز اللاب
علشانه هل هو نت واوفيس وتصفح ولا شغل جرافيكس والعاب تقيلة وكدا وهنشرح
الفرق بينهم لاحقا ..






4- مش عارف اى حاجة عن مواصفات اللاب توبات وخايف يضحك عليا البائع وخلينى اشترى حاجى اى كلام ؟


اهم
المواصفات او اساسات اى لاب توب والمواصفات اللى يركز عليها اى واحد
هيشترى هى : البروسيسور والرامات وكارت الشاشة والهارد والحاجات التانية
المتبقية كلها ليها حلول ...



1 : البروسيسور ...

البروسيسور
هو حجر الاساس فى اللاب توب لكن انا هديك ابسط المعلومات اللى تخليك تعرف
تقارن بين البروسيسور فى جهازين وتعرف انه افضلهم ...

تقاس
قوة البروسيسور بحاجة اسمها الكاش .. كل ما كان عدد الكاشات اللى بيديه
البروسيسور اكتر كل ما كان افضل ... فى بروسيسور زى core i7 ده اعلى
بروسيسور نزل لحد دلوقتى وده بيدى 6 ميجا كاش ... بعد كده يجى بعده core
i5 وده بيدى 3 ميجا كاش ويجى بعدهم core i3 وبيدى برده 3 ميجا كاش ... طيب
هتقولى i5 و i3 زى بعض فى الكاشات لكن ال i5 احدث وافضل وبيفرق عن i3 فى
حاجات تانية زى استهلاك الطاقة وحاجات تانية من القبيل ده ... فى بروسيسور
core 2 due وده فى انواع منه بتدى 2 ميجا كاش و 3 ميجا كاش وده كان افضل
بروسيسور قبل ما يظهر i3 . i5 . i7 لكن لحد دلوقتى ناس بتشتريه مع ان
الجداد بيتمتعوا عنه بمزايا افضل ...


فيه
بروسيسورات اخرى زى الديول كور والسيليرون وده بتبقى موجودة فى لابات
امكانياتها صغيرة ... وفيه بروسيسورات تانية بتتحط فى اللابات المينى ..



طيب وانا بجيب اللاب توب اجيبه فيه انه بروسيسور ؟
طبعا
زى ما قولنا ان اهم خطوة هى الميزانية فانت تشوف اذا كانت ميزانيتك تجيب
لاب توب فيه بروسيسور i7 يبقى ده افضل بروسيسور ممكن تجيبه وبعد كده تمشى
بالترتيب i5 ثم i3 ثم core2due ثم كل الاقى بقى يعتبر واحد وبيتحط فى
اللابات المينى واللى امكانياتها ضعيفة اللى بيتراوح سعرها من 2000 الى
2500 جنيه ... ودول بيدوا حوالى 1 ميجا كاش بس


اقل
لاب فيه بروسيسور i7 سعره مبيقلش وانا بتكلم فى الفترة ده فى صيف 2010 عن
6800 جنيه ... اما i5 بيبدا من 4500 جنيه ... i3 موجود من فوق ال 3000
بحاجة بسيطة ... core2due موجود برده من 4000 جنيه ..


فيه
حاجة بتبقى مكتوبة بجانب اسم البروسيسور زى L2 و L3 ده اختصار Level 2
وطبعا الفروق بين الليفيلات ده صغيرة جدا يعنى متفرقش لكن level 3 هو اقصى
ليفل لاى بروسيسور وهتلاقيه هو الشائع ...



بالمعلومات ده انت تقدر تقارن بين البروسيسورات وتبقى عارف ابسط الحاجات الاساسية عنهم اللى تفيدك وانت بتشرى ..





2 : الرامات ...

الرامات
زى ما الناس عارفة فكرة عامة عنها انها بتدى سرعة للجهاز ... لكن الرامات
ليها وظيفة هامة جدا ... ان لما يكون الجهاز بتاعك راماته كويسة تبدا من 3
او 4 جيجا وعندك بروسيسور i7.i5.i3 .core2due ساعتها كارت الشاشة بيسحب من
الرامات ويعلى فيديك كفاءة اعلى فى تشغيل الالعاب ... الرامات سهل تزويدها
... بجانب مواصفات الرامات بيبقى موجود بين قوسين )up to 8 gb ) مثلا يعنى
الجهاز ده يقدر يشيل رامات لحد 8 جيجا وده اعلى سعة نزلت لحد دلوقتى فانت
ممكن تشترى عادى جهاز 4 جيجا رامات او 3 او اى حاجة وتشوف الجهاز ده بيشيل
لحد كام وتزود فى اى وقت ...


النوع الافضل اللى الاحسن تجيب رامات من نوع ddr3 مش ddr2 لانه احدث وافضل وبيدى كفاءة مع كارت الشاشة







3 : الهارد ....

طبعا
دلوقتى فىيه هاردات 160 و 260 و 320 و 500 و 640 و 1000 ... لكن الالف ده
قليل جدا فى اللابات لكن موجود برده لكن الباقيين كلهم موجودين ... وممكن
وانت بتشترى لاب و كان موجود فيه هارد 320 تغيره وتحط هارد 500 وتدفع فرق
السعر ...

علشان
كده يا جماعة الرامات والهارد من الحاجات اللى محدش بيشيل همها لان ممكن
تغييره وتويده فى اى وقت ... لكن طبعا الاساس اللى نهتم بيه البروسيسور
وكارت الشاشة







4 : كارت الشاشة ..

كارت
الشاشة من اهم الحاجات اللى بيسال عليها اى واحد بيشترى لاب توب ... وهو
ده الفرق الوحيد بين اللى استخدامه العاب وجرافيكس واللى استخدامه نت
وتصفح واوفيس .... لكن الشئ الاساسى سواء كان استخدامك عادى او جرافيكس
لازم يكون البروسيسور و الرامات تجيبهم اعلى حاجة ممكن تسمح بيها ميزانيتك
..


فى
3 انواع من كروت الشاشة intel و nividia geforce و ati .... اذا كان
استخدامك عادى يبقى تجيب كارت شاشة انتل لانه مش مخصص للالعاب والجرافيكس
... اما اذا كنت مدمن العاب او شغلك محتاج جرافيكس يبقى شئ اساسى جدا انك
تجيب كارت شاشة نيفيديا او ايه تى اى ...


بتلاقى
فى مواصفات كارت الشاشة اسم الموديل والسعة بتاعته 512 او اجيجا ... وكمان
بتلاقى بيعلى لحد ايه .. يعنى مثلا تلاقى لو الكارت نوعه ATI MOBILITY
RADEON HD 4570 تلاقى مكتوب انه 1 جيجا ومع رامات 4 جيجا بيعلى ويبقى 1790
يعنى يقرب من 2 جيجا وهكذا مع جميع كروت ....


برده
فى موديلات كتير من النيفيديا و ATI وكل كارت وليه قوته وسعته ولو انت
بتقارن بين لابين وعايز تعرف قوة كل كارت وامكانية تشغيله للالعاب ممكن
تستخدم الموقع ده :
www.notebookcheck.com
او ممكن تحط موضوع هنا فى المنتدى او تكتب سؤالك فى موضوع اسعار اللابتوبات اللى موجود هنا فى القسم ...





طبعا معظم الحاجات المتبقية اللى موجودة فى اللاب زى الوايرليس والبلوتوث والكاميرا كلها موجودة فى معظم اللابات ...







5- انا اشتريت لاب توب بس للاسف مفيهوش بلوتوث ؟

بامكانك
شراء يو اس بى بلوتوث وهى عبارة عن مدخل يو اس بى بحجم عقلة الاصبع مجرد
ما تصطبه كده يبقى اللاب بتاعك فيه بلوتوث وتقدر ترسل او تستقبل من اى لاب
توب او موبايل وسعرها عامل 15 او 20 جنيه






6- لقيت لاب امكانياته كويسه وعامل 5000 جنيه ولاب تانى نفس امكانياته وعامل 4500 جنيه ايه السبب ؟

اللاب
اللى عامل 5000 جنيه جاى معاه نسخة ويندوز سواء سفن او فيستا والجديد كله
سفن ... اما التانى مش جاى معاه ويندوز .. والموضوع ده بيساعد ناس كتير
لان ممكن يشترى لاب امكانياته اعلى بسعر ارخص لما يجيب اللاب من غير نسخة
ويندوز ويحط هو عليه نسخة ويندوز من عنده







7- انا جبت لاب من غير ويندوز وحططله ويندوز سفن بس مش عارف اجيب التعريفات منين ؟


ادخل
على موقع الشركة بتاعت اللاب بتاعك سواء ديل او توشيبا او اتش بى وادخل
على قسم الدعم واكتب اسم الموديل بتاعك وهيظهرلك كل التعريفات بتاعت
الجهاز بتاعك بس اتاكد وانت بتدخل اسم الموديل تتدخل اسم الويندوز اللى
انت شغال عليه وكمان اذا كان 32 او 64 bit علشان كل ويندوز وليه تعريفاته
...








8- ازاى احافظ على البطارية بتاعت اللاب ؟

اولا
كل البطاريات اللى موجودة فى معظم اللابات حاليا واحد مفيش فرق بينها
والمدة اللى بتقعدها بيبقى على حسب استخدامك يعنى لو فضلت عمال تعمل تصفح
وشات البطارية بتقعد اطول من لو لعبت لعبة او شغلت فيلم ....


لو
انت من الناس اللى اللاب بيقعد فى البيت كتير جدا وقليل لما تنزل بيه يبقى
الافضل انك تشيل البطارية من اللاب وتشتغل عادى على الكهرباء من غير
البطارية بس بشرط انك كل اسبوع تحط البطارية وتكون مشحونة وتستعملها لحد
اما تفضى وترجع تشحنها وتشيلها ...


كل البطاريات ليها عمر افتراضى ولما اللاب يعدى السنتين معاك بتلاحظ ان البطارية بدات كفاءتها تقل بشكل كبير ..
افضل
شركة بتعمل عروض للبطاريات اللى موجودة على لاباتها هى شركة ايسر واخر عرض
شفته ليها انها عاملة لاب توب بطاريته بتقعد 7 ساعات والكلام ده صحيح طبعا







9- ايه هى الادوات اللى بستعملها فى تنظيف اللاب ؟

بتروح
محل كمبيوتر وتشترى منه كلينر وده عبارة عن بخاخة ترشها على اى قطعة قماش
نظيفة وتمسح بيها الشاشة وبعدين بقطعة اخرى ناشفة تمسح بيها وهتلاقى
الشاشة فوق الممتاز .. برده فى فرشة صغيرة كده علشان تشيل التراب من بين
ازرار اللاب توب والماسافى اللى بين الكيبورد والشاشة ..

وكل ده بيتباع فى علبة ثمنها 10 جنيه من اى محل كمبيوتر






10 - بيقولوا اجهزة اتش بى بتسخن جامد بسرعة يعنى الافضل مشتريهاش ؟

لا
طبعا اجهزة اتش بى من افضل الاجهزة وماركة كبيرة وممكن التغلب على مشكلة
الحرارة انك تشترى كولر ثمنه 30 جنيه وهو عبارة عن قاعدة بيتحط عليها
اللاب توب علشان تبرده وتقلل من درجة الحرارة ... لكن فى ناس كتير شغالة
على اتش بى من غير الكولر والجهاز ممتاز ...







11- انا عايز اجهزة تستحمل الشغل والبهدلة ؟ وايه اقل اجهزه فىها عيوب الشاشة الزرقا وكده ؟

الديل والتوشيبا مع بعض وبعدين يجى بعدهم الاتش بى اجهزة بتستحمل كويس جدا وبرده الايسر واللينوفو

كل
اللابات بتتصنع طبقا لمعايير معينة وكل اللابات زمان كانت فيها المشاكل ده
كتير لكن دلوقتى الصناعة اتطورت وصناعة اللابات تقدمت بشكل كبير وقليل جدا
لما تلاقى لاب جديد موديل 2010 او اواخر 2009 فيه العيوب ده ...







12- فيه مقاسات كتيرة للشاشات فى اللاب توب ؟
13- ازاى اشغل الصور على اللاب توب على شاشة تلفزيون او شاشة lcd خارجية ؟

طبعا
فيه مقاسات كتير لشاشات اللاب توب من اول 10 انش لحد 18 وممكن فيه اعلى من
ال 18 ...وكل واحد على حسب ما يحب فيه ناس عايزه شاشة صغيرة وفيه ناس
عايزه كبير ...


ممكن
لو انت عايز حاجة كبيرة ومش لاقى جيب لاب عادى وهات وصلة معينة بتتركب
للشاشات الخارجية وبعدين على حسب اللاب بتاعك ونوع الويندوز بتضغط على زر
معين بيحولك الشاشة من اللاب الى الخارجية او العكس


H@MDY10
المـديـر العـــام
المـديـر العـــام

الجنس : ذكر
البلد : مصر
الابراج : الميزان
الأوسمــة : المدير العام
تاريخ التسجيل : 16/10/2008
عدد المشاركات : 4263
نقاط نشاطك الفعلي بالموقع : 19084
نقاط التقدير للمشاركات المتميزة : 44

https://www.facebook.com/foru.4ulike https://twitter.com/foru4ulike http://foru.4ulike.com https://www.instagram.com/foru.4ulike/

الرجوع الى أعلى الصفحة اذهب الى الأسفل

السلام عليكم

مُساهمة من طرف hgnayni في الإثنين 18 أبريل 2011, 6:35 pm

Thanks

hgnayni
عضو جديد
عضو جديد

الجنس : ذكر
البلد : مصر
الابراج : الجدي
تاريخ التسجيل : 18/04/2011
عدد المشاركات : 3
نقاط نشاطك الفعلي بالموقع : 2064
نقاط التقدير للمشاركات المتميزة : 0

الرجوع الى أعلى الصفحة اذهب الى الأسفل

رد: ۩ مش عارف تجيب اى نوع لاب توب واى مواصفات . ابسط المعلومات اللى تخليك عارف كل حاجة ۩

مُساهمة من طرف H@MDY10 في الثلاثاء 19 أبريل 2011, 8:17 am


أنا شخصيا جربت أنواع كتير من اللابتوبات

وبعد خبرة طويلة

أفضل نوع حاليا كفاءة وقوة تحمل ودعم من الشركة

هو التوشيبا

وده فيديو لللابتوب اللي عندي
سعره بالمصري في حدود من 6700 إلى 7000 جنيه مصري
أنا شاريه من الكويت
بسعر 340 دينار كويتي
يوم 28 فبراير 2011 الماضي




أرجو أن ينال إعجابكم
جهاز قوي




H@MDY10
المـديـر العـــام
المـديـر العـــام

الجنس : ذكر
البلد : مصر
الابراج : الميزان
الأوسمــة : المدير العام
تاريخ التسجيل : 16/10/2008
عدد المشاركات : 4263
نقاط نشاطك الفعلي بالموقع : 19084
نقاط التقدير للمشاركات المتميزة : 44

https://www.facebook.com/foru.4ulike https://twitter.com/foru4ulike http://foru.4ulike.com https://www.instagram.com/foru.4ulike/

الرجوع الى أعلى الصفحة اذهب الى الأسفل

رد: ۩ مش عارف تجيب اى نوع لاب توب واى مواصفات . ابسط المعلومات اللى تخليك عارف كل حاجة ۩

مُساهمة من طرف H@MDY10 في الثلاثاء 19 أبريل 2011, 8:38 am




وده كمان فيديو



H@MDY10
المـديـر العـــام
المـديـر العـــام

الجنس : ذكر
البلد : مصر
الابراج : الميزان
الأوسمــة : المدير العام
تاريخ التسجيل : 16/10/2008
عدد المشاركات : 4263
نقاط نشاطك الفعلي بالموقع : 19084
نقاط التقدير للمشاركات المتميزة : 44

https://www.facebook.com/foru.4ulike https://twitter.com/foru4ulike http://foru.4ulike.com https://www.instagram.com/foru.4ulike/

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى